bittersoet

 

 

hoe bitter die gal

hoe soet die heuning

voor elke silwer wolkie-rand

lê daar ‘n wavrag pyn

 

na elke genesing

kom daar donkerswart

giftige boodskappe aan

betaal of word vervolg

 

met mooi gesiggie

besoek sy jou siekbed

belowe gesonder dae

goeie : betaaldae

 

almal saam bly

die ongerief is verby

nog net hulle gierighart

met duisende verbly

 

arbeider is sy loon werd

stem heelhartig daarmee saam

hoekom party vier en vyf maal hul loon

moet opeis : dit verstaan ek nie

 

party dring daarop aan

om hul hemel nou en hier

in weelde te kan geniet

almal om hul te gebied

 

© Tearlach.