Die digter is ‘n onbekende landdros

(Die digter is ‘n onbekende landdros soos dit in hulle tydskrif verskyn het, en in die tweede deel het my swaer,toe ook nog ‘n landdros dit aangepas vir my ma se troosdiens)
Is dit, is dit.

Daar staan ‘n man
op die Biedouw se rand,
hy staan en kyk
kyk na die land—
Wie het al hierdie blomme geplant?
Wat is dit wat sy oë laat brand?
Dan draai hy weg om sien te ontwyk
en veeg een oog met ‘n growwe hand.
Is dit, is dit soos die hemel lyk?

(Soos gewysig vir my moeder)

Daar staan ‘n vrou
in Namakwaland,
sy staan en kyk,
kyk na die land.
Wie het al die blomme geplant?
Wat is dit wat haar oë laat brand?
Dan draai sy weg om sien te ontwyk
en veeg een oog met ‘n sagte hand
Is dit, is dit soos die hemel lyk?

My Moeder 1Sept 1907- 2jul 1997

My sagmoedige moeder
se naam vloei eerbiedig
en sag oor my lippe,
Aletta Catharina,
liefdevolle, sorgsame en trotse
matriarg, man en kinders
haar alles deur dik en dun,
maer jare en goeie jare
sy was daar, altyd daar,
sag maar sterk, innerlik ‘n rots—
My woorde skiet hopeloos tekort
vir daardie moeder van my, maar
dis my ode, my beste aan haar en
ek gee haar uit my hart ‘n dankbare
liefdevolle groot dankie, dankie en
nogmaals dankie ma—

Janetta – Helena [Babs]©

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag