Blikaspaai

 

 

om op my duin te sit

die wêreld te beskou

vergesigte te aanskou

herinneringe op te wek

dit alles vertel ’n storie

dié storie van my lewe

maar, weet ek enigiets

of is alles gebou om leuens

in vandag se AI-verhaal

is blikaspaai nogal

moeilik om te verstaan

wat lê agter alles

wat kom hierna

wie sal weet

sien ons

so baie

maar steeds

net ’n toneel

onvolledig

onafgespeel

 

© Tearlach.

(Blikaspaai is ‘n informele Afrikaanse uitdrukking wat beteken om iemand ‘n bietjie agter die kap van die byl te laat kyk, ‘n geheim met hulle te deel, of hulle toe te laat om agter die skerms te sien hoe dinge regtig werk.)