Ruis bly huis

Tuis bly huis

 

Vroeë môre tot saans laat,

dra die boer die son en maan

soos ’n horlosie in sy sak.

 

Die dorp hou skou,

alles wat leef is daar.

 

Soggens steeds nog vroeg,

voor die haan behoorlik kon kraai,

tot laat die aand wanneer natuur al slaap,

gaan die boer hande vat met die gemeenskap.

 

Stemme raas,

kinders baljaar,

gesprekke oor bek en klou

lê in almal se mond.

 

Skielik is alles verby,

die stilte raas weer

soos die boer dit ken.

 

Al was die gesels met ander

goeie medesyne,

vir die boer wat doer in stilte leef,

bly tuis maar net elke boer se huis.

 

©️ Ryno du Plessis 2026