Spikkel hoender van die bos

Spikkel hoender van die bos

 

Soggens saam met die son

is jy al reeds aan die skrop en gesels.

 

Hy dra sy helm op die kop,

party noem dit die kroon

of ander sommer net ’n horing.

 

Kleure van grys,

selfs amper swart.

Dan die spesiale een,

spierwit en sonder kol.

 

Hul spikkels,

op elke veer,

jaag die gevaar

wat oor jou skouer loer.

 

Met hul unieke geluide

klink hulle bo alle ander uit,

dadelik herkenbaar —

daar skree die tarentaal.

 

Hier op hierdie boer se plaas

is jul mak en vry,

amper soos die gewone

spikkel hoender van die plaas.

 

©️ Ryno du Plessis 2026