Twee rooi spore

Twee rooi spore

 

Geelgoud gras, plek-plek gesaai.

Rooi duine, ingekleur met geel duwweltjieblom,

oor die Kalahariduin wanneer die reën kom seën.

 

Iewers daar op ’n tweespoorpad

het ek eens my hart verloor.

Jare later weer gevind

en besef dit was die liefde

vir ’n rooi Kalahariduin.

 

Nou hier op kalkkliprante en fonteine,

tussen berge en groen vlaktes,

leef my hart nou voort.

 

Maar iewers binne-in my

lê my liefde steeds

op ’n rooi spoorpad.

 

©️ Ryno du Plessis 2026