Jongste aktiwiteit:

Die Epiek van ‘n tuin

Die epiek van ’n Tuin

 

geanaliseer
Sy Skeppingswerke
het God

gelandskapeer
Sy tuin in Eden
het God

ekologiese waarde
gepoësie
uit die vog van die aarde
het God

gerympatoon
binne Sy almag
het God

die estetiese genre van Sy tuin
tot berge kranse, heuwels, vlaktes,
kabbelende riviere, bruisende watervalle, valleie,
vleilande, reënwoude …
gevleueldes
wat wemel aan die hemel
in die krone van die bome
langs helder waterstrome

getoonset
het ’n Meester-komponis
die lirieke van die jambiese versmate
in hul himnes en odes en ballades …

geplaas
het ’n Meester-landskapeerder
die mens
binne die juksta van Sy wil
as Sy rentmeester in Eden
om Sy tuin
te bewerk en te bewaak

waar staan jy vandag?
bewerk en bewaak is jóú
Godgegewe taak

Of
wil jy eerder torings bou
wat aan die hemel raak?
————oo00oo————
                      ©Pieter Mostert

 

 

 




Maak 'n opvolg-bydrae

Up
Top Ranked Users

[joinup_core_top_members columns=”1″ space=”no” max_members=”3″ behavior=”columns” columns_responsive=”predefined”]

Activity Feed