Welkom, Besoeker
Welkom, Besoeker

Titel: DIE WINDPOMP HUIL – Hersien

Deur Louie
Datum gepubliseer: 3 Maart 2016 Aantal woorde: 123 1042 Kere gelees 19

Die windpomp het gister begin huil
en ek was nog te skaam om deur die drade
na sy staanplek te gaan dwaal

Ek weet sy stert is druipstyf teen sy staalkarkas getrek
en sy geroeste agterbly tand-lemme draai verbete
teen die aanslae van die wind

Sy watermurgpyp loop tot by die stukkende sementdam
verpletter deur tyd se fynkap hammers
en sy tong na die ondergrondse waterare lankal afgeroes

Groengras lê verdorre aan sy ysterstaanplekvoete
ek weet want die windjie het kom fluister
sy waterbron is ook verban

Hy staan en huil
sy trane in ritme met die aardse waterbloed vibrasies
wat onderdeur hom in die waterare spoel

Die windpomp huil
en ek is nog te skaam
om hom te vra waaroor hy kla…




TEMAS
2 Kommentaar
  1. neels

    4 Maart 2016

    sjoe Loiue hierdie een is n wenner

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 101
Kommentaar telling: 105

Gebore by die see, verlief geraak op die berge / platteland en woon nou in die Vrystaat saam met my vrou Charmaine en dogter Katelyn. Werk ook deeltyds aan my eerste digbundel. Alle hulp en raad sal goud werd wees ...Ag en dan die legal ding: alle regte word voorbehou op geplaaste werke

Horison Media

AfriForum – Trotse borg van INK dig/skryf kompetisie

FAK – Trotse borg van INK dig/skryf kompetisie

Die Afrikaanse Taalmuseum & -monument – Trotse borg van INK dig/skryf kompetisie

Gebruikers Aanlyn

0 Lid, 128 gaste aanlyn

Bydraes – Argief