Ek Het Gedroom

Ek het gedroom
Ek het onrustig hartverskeurend gedroom
jy is skielik onverklaarbaar net spoorloos weg,
sommer net weg van my af sonder groet
destinasie en adres onbekend—
Lam geskok besef ek
my hart is besteel,
skelm beroof,
geplunder,
en verslae leeg gelaat—
My kussing was tranenat en ek voel
vervaard deur slaap en trane heen
na jou gerusstellende teenwoordigheid
en nestel styf teen jou warm lyf aan—

Janetta – Helena [Babs] ©