geboortepyne

 

 

groepsdruk

onwillekerigheid

outomaties, ondeurdag

semi-AI-gedrewenheid

sommer net oud-en-sleg

asseblief man – wat dan nog

na apartheid-sindroom

alles by die deur uitgegooi

alles word bevraagteken

kulturele rewolusie

diepe ineenstorting

ontgogeling van

geloof, hoop

en liefde

stem-uit-die-woestyn

bossie-profete en profetesse

vervang die Woord in tale

hoe ver gaan jy nog val

“MY Volk” – hoe ver

wil jy jouself nog

verneder

onder

selfopgelegde juk

plae van vloede

droogtes, vure

peste, en

wat nog

voor jy opstaan

uit jou eie vuur se as

“genoeg, is genoeg”

watter knie sal eerste buig

watter gesig eerste opwaarts neig

watter hart sal opstaan uit die smart

opruk oor veld en dal, saamneem, verenig

verower, verwesentlik

vestig

 

© Tearlach.