Groenfontein se sielskos
Groenfontein se sielskos
Daar is ‘n oase in my kontrei
waar water spoel oor laagwater brûe,
die silwervissies baljaar sorgloos en vry
en berge boggels het op hulle rûe
waar eggos van bobbejaan se kind
deur die valleie weerklink,
skilpad ongestoord sy pad kan vind
en die dou nog skoon op die blare blink.
Daar waar aalwyn teen die hange blom
en waar wilgers nie meer treur nie,
waar Jonas fluit-fluit met sy bokke padlangs kom
en Sara in die skadu haar potbrood knie’.
Dis daar waar Moeder Natuur my teen haar boesem sus
terwyl ek stil in die bries van haar asem rus.
Kopiereg Lynne Lexow 2018
2 Kommentare
-
-
Lynne
Dankie Anze. Die gedig verwys na my gunsteling plek op die aarde, werklik sielskos.
-
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, baie dankie vir jou bydrae tot die September 2018 - Spyse vir die siel projek