In afwagting op die weerkoms Goud

wanneer die ramshoring die nuwe jaar begroet

en die rooi granaat soos druppels bloed

uitgestrekte palms vlek

huiwer ‘n hosanna aan die horison

wanneer die laaste strale oor die rantjies dein

en die maan in silwer suiwer glans verskyn

breek ‘n nuwe jaar

in vol verwagting aan

soet stroop die heuning oor ‘n Edenvrug

vreugdespsalms vul die lug

en ‘n olielampie brand

in ‘n kromrug vrou se hand

Amanda dM

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag