Lessenaar

die varkhok staan stil

in die gewoel van hongervarke

almal ewe geregtig op nog

van kleinste tot alfabeer

elkeen gesteld op eie

status en vreetplek

 

al die varkies

drink aan dieselfde speen

nou driekwart leeg

dié sog gaan opstaan

die vratevrag afskud

ongeag die mae status

 

almal val op eie

stukkie vuilgrond, skree

hardloop na naaste hoek

met kop onder ander se mae

of snork kwaad

oor die onreg

 

by my trog versekerd

met jare se vreet ervaring

staar ek bang na skreiende menigte

met geen nou of môre plan

vir lae ego of leë maag

sonder trog voer

 

weesvarkie by ingangshek

staan op vaste gesplete pote

die het nog nooit ń tiet gesuig

en is altyd laaste by leë trog

wat sou ek wou gee

vir sy uhuru idees