Hande

Teer genade hande
Bring Liefde in aanraking
Breek die uurglas van die verlede
‘n Verlede in die niet vergaan

Groot stewige hande
Bring Liefde in omarming
Hou die uurglas van die toekoms
‘n Toekoms van saamstaan

Sagte gerimpelde hande
Bring Liefde in berading
Dra die uurglas van hoop
Hoop van ‘n nuwe bestaan

Saamgehoude hande
Bring Liefde in ondersteuning
Die uurglas van die hede
‘n Hede beplan in ‘n perfekte baan

God, die Vader se hande
Bring Liefde in die versekering
Dat Hy elke korrel in die uurglas ken
‘n Kennis dat met Hom aan jou kant sal jy nooit verlore gaan

Geskryf deur C Diederiks ©

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag