Mabalêl se parallel

 

 

jou tese en anitese

sorg steeds vir baie vrese

hul dialektiese prosesse

sukkel steeds om

by sintese

te kom

al is

daar kleure

van reënboë wyd

verspreid oor berg en vlak

bly die jong meisie broos

waar sy die waterkruik

onskuldig dra

en Lalele

haar

verslind

en in waterhel

wegvoer

Mabalêl, jou susters

stap steeds daar

ewewydig

met jou

baan

hul

einde

steeds in sig

van parallelle

waterhel

 

© Tearlach.

(Met apologie aan: Eugene N. Marais.)