Jy was Skollie

Jy was skollie…

 

Jou pa was streng,

jou ma gewoon.

Gebid dat God

jou moet beloon.

 

Goed het jy bedoel,

hard geval

en weer probeer.

Seer het jou

‘n hele paar

lesse geleer.

 

Aanvaarding

was al wat jy wou hê,

ongeag die prys

wat voorlê.

 

Onder jou lag

en menswees

dra jy een groot wens —

vrede.

 

Na God het jy gekeer,

jou sonde bekeer.

 

Die wêreld oordeel

jou gister as môre;

vir hulle bly jy

altyd verlore.

 

Mense noem jou skollie,

gemors van die wêreld.

Ek noem jou dankie.

Uit jou foute

het ek baie geleer.

 

©️ Ryno du Plessis 2026