NAGSPOKE

Aan die binnekant van jou droom

is daar ‘n mens

een met ‘n wens

elke nag sweef sy rond

tussen jou arms, jou mond

en die slaapstiltes in die holte van jou siel

 

kwart voor vyf soggens

luister sy hoe jou dag breek

sy wag gelate

tot wilde voëls jou buiteklanke in bring

jou asemdieptes verlaag

jou nag lomerend verdoof

tot jy wakker word

styf teen haar lyf

want jy het haar nagspoke

met jou soene verdryf.

 

© 06/2023 Caren Kearley

FB: Nimfoleptiese Woorde