Drome verdroom soms storietjies
Ek hoor in vroegnagskemer die waarsê van die maan
as sag sy stem op aandwind my liefderik vermaan:
“Elk’ dingetjie op aarde is mos sy sousie werd
van ‘n pavementbrakkeffer tot ‘n resiesperd.’
En later, heelwat dieper in ‘n volle-maanskynnag,
hoor ek aan blaargeritsel kabouters aan die lag.
Wil so bittergraag ook weet waaroor hul grappies gaan
want selfs die maan en aandwind het skaterend gaan staan.
Toe alles eers bedaar, en die maan weer verder roei,
het talle feetjie-stories deur slaap in my kom broei.
Maar toe die Son rooi breek kon ek wynig min onthul
om saans as slaaptyd-storietjies te vertel vir jul.
3 Kommentare
-
-
Koekekranka
Baie dankie my kind en lekker doeksie.
-
-
Christa D
So sag en teer. Hartsmooi.
Maak 'n opvolg-bydrae
Jy moet aangemeld wees om 'n kommentaar te plaas.
Mariska Smit
Mooi geskryf....voel of ek Klasvakie...daar tussen in hoor :)