Pad Kies

hoëtrou musiek en nuutste nuus
masseer rou geskaafde senuwees
die werkdag is klaar
huistoe pad
die volgende taak

malmiere stroom sonblind
in drielaan dolle spoed
oor hoofweë huistoe
een meter vorentoe pogings
ontstel die homogene stroom
tot gesamentlike woede

bakkieboer hoed op
is die enigste kalant op
ń stamp agterpad huistoe
maplotterhuisies* omring die swart streep
sy vooruitgang weerspieel in myndorp
en township landskap verval

die pad huistoe is
ń agterpad vol slaggatte
oor kaal landskap met vaal uitsigte,
ń hoofweg vol fluktuasie
verby blink stad met bemarkings banniere
altwee ontspan nekspiere

* Handwoordeboek van die Afrikaanse Taal (6de uitgawe)

ma·plot·ter s.nw. [maplotters] (informeel, skertsend, neerhalend)
iemand wat op ’n kleinhoewe in die buitewyke van ’n stad woon en bv. as kleinboer ’n bestaan maak (en soms as armoedig/agterlik beskou word).

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag