Samesyn

waar woorde tussen stiltes hang
en tyd nostalgies buig
voor Moeder Natuur
word ons kombers oopgegooi
in die arms van die gras
en ontspanning daarop neergelê

’n mandjie se deksel kraak
’n mier karwei krummels oor ’n servet
’n by zoem om ’n lepel konfyt
’n broodjie kry sy mosterd

waar ’n bottel koeldrank
halfpad son drink
lag en speel die kinders
in die sand …
———–ooo00ooo———–
©Pieter Mostert

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag