Seisoene van die hart (silwer)

Die Boesmanland riel guitig in die najaarsbries
toe die dorsland weer tot wasdom kom
sandveld word helder uitgedos
in goudgeel botterblom
mofskaap luier kopdiepte
in tweelingtwaa se pollegroen
deur my vensters draal ‘n fyngeur
soos bloeisels van lemoen
rooilewerik laat luidkeels
sy skrille vreugde hoor
en in die herfshemel verf vlieswolke
beloftes in die oggendgloor

ek verkyk my aan haar jolyt, my lief
en wonder of sy weet
ook in my is daar ‘n seënseisoen aan’t blom
want jy’t saam met haar somerreën gekom!

Elize Kruger
12 April 2022

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag