Die stem van die oseaan (brons)

Hoor jy die magtige dreuning
wanneer die oseaan sy stem verhef,
met golwe wat wyer en hoër kring
die kuslyn met mening tref?

Talle parke, geboue en paaie
swig voor die verterende krag
as die watermassa met kolke en draaie
die mens koggel en uitlag.

Jy mensekind wat my verniel
my vul met jou oorskiet en gemors
jy vernietig my innerlike siel
en dit stuit my teen die bors.

En net soms tydens springgety
en die maan in al sy glorie verskyn
sal my wraak op woeste golwe ry
jou onaantasbaarheid laat verdwyn.

©️ Elna Kruger

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag