skep

 

 

skep terwyl dit pap reën

gee van jouself terwyl jy nog kan ween

 

om te kan ontvang is soms moeiliker as om te gee

gee, gee en gee is die wagwoord vandag

so jammer, so baie mense het nie meer vertroue

in hulself of hul medemens om net te kan gee nie

in hulle lewens word alles – tot hul eie lewensnorme

net opgegaar totdat dit verkrummel in eensame eenvoud

 

om te sê wie en wat jy is

dit is baie ver van mode vandag

mense sluit hul huise en deure dig toe

selfs die deure van hul harte, met hul eie smarte

niemand neem hul kwalik daarvoor nie

want die wêreld kan nie vertrou word nie

 

in my utopiese uitvlug skyn die son

sonstrale wat weereens die mensewêreld

sal verlig met lig en waarheid wat vertrou kan word

‘n wêreld waar mense mekaar koester en liefhet

sonder voorbehoud of inhiberende reels

 

© Tearlach.