Wol
Wol
Soek my nie in vlees en bloed nie,
maar in blou spatsels,
bruin kwashale en
emmers wit.
Want kyk:
my asem roei op die wind –
die oggend is toegepak in wol.
© Ernst Fernando dos Santos
2 Kommentare
-
Ernst
Baie dankie IM, waardeer dit. Jou woorde gee my vlerke :) :)
Maak 'n opvolg-bydrae
Jy moet aangemeld wees om 'n kommentaar te plaas.
Inkmoderator
Ernst, dit lê natuurlik nie in elke digter se vermoë om 'n duidelike vers in 'n paar lyne te pen nie. Ek beny altyd so 'n talent om baie te sê in min woorde. Jou vers is werklik goeie poësie en vertel 'n verreikende storie in 'n beperkte spasie. Ek het geen voorstelle vir verandering nie want dit is werklik onnodig. Welgedaan. Skryfgroete IM