Gebreekte glas

Splinters en stukkies glas gestrooi op die grond
Donderweer het stukkend geslaan wat eens heilig was

Skerp punte, skerp kante na bo
Oorblyfsels van vasgelymde gekleurde glas

Punte wat sny, brokkies herinneringe
Verweerde illusie van meesterkuns

Gebroke prent gestrooi oraloor
Maagd Maria was ook net mens

Flenters skuil tussen groewe
Wat is, wat was, voel ver verwyderd