Soek my in elke reënboog (Brons)

(Opgedra aan Naudé)

Dis tyd vir my om nou te groet

vir hierdie aardse bestaan

wat soveel mooi en pyn inhou

dit was ‘n wyle myne gewees

maar …

nou gaan ek jul vir eers verlaat

en as trane wil opwel in jul hart

die gemoed oorspoel met verlange

lig net jul oë op na die bloue gewelf

soek vir my in elke reënboog

hê my net lief in daardie oomblik

soos ek jul altyd

(op my manier)

lief gehad en nog steeds het

die skeiding sal nie vir ewig wees nie

dan sal ons mekaar weer sien en vas kan hou

tot dan …

soek vir my in elke reënboog

wat helder verskyn na elke tranereën

ek sal daar wees

tot ons mekaar weer eendag sien.

© Taai Bonthuys

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag