Soet wraak van Herodias
die maan verlig die donker sel,
gooi sy strale oor die apostel
wat met sy moeë lyf
teen die growwe muur stut
hy sluit sy oë in gebed
terwyl die hoonlag
van besope hoëlui
onheilspellend naderkruip
sy gooi haar heupe sywaarts
en met ‘n wulpse beweging swaai sy
ritmies in sinlike genot
voor Herodus Antipas heen
wellus skuil in elke draai van haar lyf
in die donker skaduwee grynslag Herodias
haar wraak is soet
op ‘n silwer skinkbord pryk die laaste avondmaal
gevlek met Joodse bloed
©️ Amanda
1 Kommentaar
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, baie dankie vir jou bydrae tot die Augustus 2020 – OOP projek