Misterieuse Liefde

Die vol ronde maan hang goud geel gloeiend
in die donker swart silwer skadu nag lug
my hart op galop ons liefdesang dans vloeiend
passievol is ons liefdesgeluk nou in oomblikke bevrug

skram skalks saggies fluister die liefde misterie oortuigend
liefde is ‘n vaste paradoks van raaiselagtige begrip
sien jou liefdevolle oë wat my beloer stip
dan onthou ek ook jou oë kwaad oorwegend

ek proe die wrang bitter smaak van baklei
is my hartklop se doef-doef ritme polsend
en ons liefde vir nou misterieus en vloeiend
wanneer jou arms liefdevolle oomblik oor my gly

maar tyd glo ek sal leer of liefdesgeluk
nou vir altyd altyd sal hou of misluk

© Anita van der Walt