Maandag heel week lank

Maandag heel week lank

 

Vandag voel

soos vakansiewasgoed:

opgehoop,

en niks

kom klaar nie.

 

Die wind waai

ook op sy beurt

alles deurmekaar.

 

Kan een vakansiedag

werklik die res

van die dae

laat slaap,

 

en vir Maandag

die kans gee

om die hele week

te pronk as baas?

 

Dalk lê Vrydag

onder in die wasgoedhoop.

Vir vandag

probeer ek my bes

vir net ‘n bietjie hoop.

©️ Ryno du Plessis 2026