Uithou soos ñ vlieg

Uithou soos ‘n vlieg

 

Zzzz, zzzz, zzz…

sit, stop en begin

dan weer.

 

Klap, klap —

dit was mis.

Spring die vlieg

tot sy volgende voer.

 

Humeur woed op,

en vlieg ploeg voort.

Handjies saam,

kom sit hy

maar net weer.

 

Sou die plak hom dalk raak

en hy sou slaan,

sit ou vlieg

en weet:

hy het sy bes gedoen.

 

Net as jy dink

jy het gewen,

drom die dooie vlieg

se groot familie

net weer saam.

 

©️ Ryno du Plessis 2026