leë woorde (SILWER)

Rondeel:

leë woorde

met jou sjarmante glimlag tree jy op
wil jy my ʼn rat voor die oë draai?
en my gul met geskenke kom oorlaai
as jy vol planne aan my deur kom klop

mag hierdie liefde van ons nooit nie flop
liefdeswoorde wat jy welig kom saai
met jou sjarmante glimlag tree jy op
wil jy my ʼn rat voor die oë draai?

die ontnugtering: die woorde droog op
jy het my liefde harteloos verraai
nou probeer jy my weer met woorde paai
dit is dan die einde waar dit kom stop
met jou sjarmante glimlag tree jy op
wil jy my ʼn rat voor die oë draai?

©MarleneErasmus
30/04/2023

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag