in verkeerde rat (SILWER)

in verkeerde rat

fyn en flenters gemaal
ons drome lê in skerwe
vele skerfstukke verspreid

soet smaak die heuningkwas
met mooipraatjies my mal gemaak
liegemaak met jou leë liegstories

sotlik het ek versuip in jou soetsap
dwaas help bou aan lugkastele
so het ek jou geglo – Don Juan

in sjokolade-soet stem gesweer
ons sal saam op vlerke sweef
jy sal my bemin en beskerm

tot die einde van ons lewens
soos Romeo en Juliet vir altyd
saam-saam in ons eie sprokie

toe draai jy jou rug op my
jy sprak geen sprook nie
kil en koud jou laaste blik

jy het my ʼn rat voor die oë gedraai

©MarleneErasmus
30/04/2023

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag