doodstyding (Goud)

die tyding

van Moeder se heengaan          die nuus

dat haar dralende koma-asem

weggeraap is deur die dood

had my terug in my

primitief-gestroopte staat

ek het instinktief…soos knap ná geboorte

met dom-benewelde oë

die pasgeborene-lê gaan lê

my arms het gemaal

leeg-omhelsend…tastend

na haar, Moeder

my huil was g’n rousmart-huil nie

dit was ‘n snotlike getjank

uit ‘n wenende wond

en saam met dit was die skrikbesef

dat ek deur haar dood

geaborteer is

© Elmarie Nienaber Van Kampen, 2026

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag