kon – teks

 

kon dinge maar anders wees

dan sou ons vandag ook anders wees

weeskinders van ons ouers nou ontslape

wese van ’n stukkend bestaan wat spoedig vergaan

alle groot wêreld ryke het na hul bloeitydperk platgeval

by ons was ons nie een ’n wêreldryk nie – slegs ’n streek

hoe het die helde geval, vra ons kinders

hoe kon hulle so dwaas optree

binne die kon-teks

van ons tyd

na ons

die

skrootwerf

van wêreld-oorloë

met durf en dapper oorkom het,

het ons die pot lensie-sop

netso weg gegee

aan ’n faksie

wat geen

“kon”

in hul konteks het

nie

 

© Tearach.

(Kon- Saam , -teks  – Woorde wat aanmekaar geweef is)