atipiese gewaarwording

 

 

na dae se prikkels

van klanke, gesigte

bewegende dele wat flits

indrukke wat gevorm word

voor en nadele opgesomde idees

goed- en slegte – weldeurdagte nadenke

kry ek nou die blywende indruk

dat nie alle werkers

goed geskool

is nie

in

plaas van

een toesighouer

is daar meervoudige

“items” wat rondstaan

beveel, en niemand luister

meer gebaretaal as een verhaal

minder oorgedra as een miskruier

se weldeurdagte, hoewel soms

herhalend-onbeholpe vrag

twee keer in vyf minute

dieselfde waterpyp

verwoes met

ontsag gesê:

sonder

gesag

dit

is

’n drama

wat hom afspeel

in lopende wiele en sand

met aanhoudende

tru-waarskuwingsklanke

waarin meer verwoes

word as wat daar

aanvanklik

fout

kon wees

’n balade van

een ontwykende

rioolpyp se

sage

wie was

die wenner

dit weet

ek nie

 

© Tearlach.

(Atipies – Iets wat nie kenmerkend of gewone praktyk is nie)