vir ‘n dag of tien – Goud

vir ‘n dag of tien – Goud

 

kom voer my weg na tiengemeten

pak ‘n rugsak sonder vrees en verdriet 

voer my weg tot waar ons weer 

een met die natuur kan word 

kom voer my weg na tiengemeten 

tot waar voëltjies luidrugtig en onbeskaamd 

oor onbenullighede kwetter 

en takbokke vlugvoetig deur gras en bos beweeg 

kom ry saam met my op die veerboot 

met die wind in ons hare 

sal ons weer vergange liefde vind

 

kom voer my weg na tiengemeten 

vir ‘n dag of tien 

 

© Retha van Deventer, Oktober 2026.

 

Voetnota:

Die natuureiland Tiengemeten is ongeveer 10,5 vierkante kilometer (1050 hektaar) groot en lê in die Haringvliet-watermassa in die provinsie Zuid-Holland, Nederland.