Baksjiesj

Baksjiesj

Die jong geslag eis bakhand alles verniet
en aan owerhede word ultimatums gestel
en wat die ouer garde uitermate ontstel
is hul oneerbiedige aggressiewe hiet en gebied—

Hulle toyi toyi dreunsang baksjiesj vir klasgeld verniet
met weinig begrip van die land se ekonomiese bestel
en so speel hulle ‘n gevaarlike kortsigtige spel
wat geen volhoubare waarborg op sukses kan bied—

Maar met die jare kom die wysheid
want die lewe is ‘n harde leerskool
jy onthou sy lesse tot in die grysheid
van ‘n jeug so retories slim geskool,

maar wat moes uitvind dis globale beleid
jy betaal vir alles tot die huis se afvoer riool—

Janetta – Helena [Babs]©