Die plek waar tyd stil kan staan

Die plek waar tyd stil kan staan

 

Moeg geroei,

geanker,

lê my skuit

op die dooie see.

 

Kan ek hier

gister se sand

afvee?

 

Drome deur

die woestynwind

verwaai,

branders het hierdie skuit

na alle rigtings

laat draai.

 

Is hierdie die plek

waar tyd net

vir ‘n rukkie

stil sal staan?

 

Vir my

‘n nuwe kompas leen

vir die weg

wat ek van hier

moet gaan.

 

©️ Ryno du Plessis 2026