Kosmos… en ons Goud

spookasemwolke borrel omhoog
uitgespoeg oor die vlaktes van die karoo
hier en daar veg ‘n spatsel geel-
‘n kleur ontploffing op ‘n stofpalet
hul gesiggies gedraai na bo

sandmaalkolke draai en dans en kartel
parmantig om ons heen
hier op ons lapkombersie
net ek en jy… en ons… alleen

ruik die koperkleur van soetlemoen
wat oor ons vingers drup
kom knus jou oor hier teen my hart
kom rus hier teen my bors

tussen die kosmos gooi ons ‘n lapkombers
net ek en jy… en ons… alleen

©️ Amanda De Meillon

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag