laksman

gevang, gestrek en verrek
word hy opgehang aan doringtakke
vasgeknoop met eie pote en vlerke
natuur se biltongfabriek aan werk

verkrag, vermoor en verguis
lê sy daar gestrek en vertoon
groteske bloed-patrone op mure
barbare se advertensie veldtog

een uit honger gedryf
ander uit fanatiese moordsug
een gaan terug om skoon te maak
ander hardloop weg in doodse vrees

een se dna so geprogrammeer
ander se dna uit verworwe verderf
afrika se natuur is skoon en rein geskep
afrika se koringlande vol onkruid gesaai

©Teárlach