Mes in my rug
diep, baie diep het dit gesny
kon ek dalk vorentoe storm
en my geliefdes met houe gooi
maar stil het ek geraak
met trane my gevoel beheer
en terug gestaan dat hul verder afbreek
my gesig was vol lag my lewe lank
vrypostig het ek dit gedeel
met ‘n ieder en ‘n elk
ondeund was ek by tye
tot plesier van baie
maar ‘n dolk het kom vassteek
soveel so dat my hulp nou
net strek na hul wat opreg van hart is
hoe weet ek wie opreg is
hul wat Jesus met my kan deel
verslaenheid het by my gegroei
na hulle wat met vriendelikheid oorloop
uit my seer het ek geklim
vir ander met skerp tonge
die trekpleister van ‘n skinderbron
is die een met die meeste seer
wat verberg word onder ‘n kombers
want die volle storie ken hul nie
maak hul, hul eie storie op
en met genot trap hul verder
om die seer dieper te laat
maar min besef hul dat
daar iemand is in daardie persoon
wat die seer genees en staan ons op
in die krag van ons Here Jesus
wat gekom het vir hulle
wat die diepste seer beleef
ongegrond aan die fariseërs
wat wil maak en breek soos hul wil
kom lig Hy Sy kinders op
want op slange en skerpioene
kan ons trap in die krag van God
rol alles van ons af
soos water van ‘n eend se rug
wat verstaan die ganse wêreld nie
was dit dan nie Sy belofte aan ons
met die mes in my rug
het ek voort kon bou
my kop op gelig
en mense in die oë gekyk
want niks het ek om weg te steek
want Vader alleen het geweet
die ware storie daarin was ek vasgevang
en met leuens daar uitgeboender
vergesel ek my eie lewe
in die hart van verslaenheid
soveel so dat Jesus Sy arms oop gooi
en my met ‘n vurige omhelsing troos
maak Hy my rustig
en gee vrede in my hart
- want fluister Hy saggies
Ek is hier my kind
die beste kom
vertrou My..aan God die eer wat my optel
en die lag weer terug sit
en plek gemaak het vir ‘n nuwe lewe
soveel so dat bitterheid
nooit weer deel van my sal wees
want vergifnis was die grootste medisynein my Vader sal ek roem
want red het Hy met oorgawe gedoen
baie jare terug in die bloed van Jesus
sal ek siëvier tot eer van God
sterk het Hy my gemaak
met genade groot aan my sy@Louisa van Vliet
Amazon
Ek is n kind van God en is Jesus Christus my alles. Ek baie ingesteld op die waarheid en is heeltemal gekant teen leuens. Opregtheid en Eerlikheid is n passie by my. So wat ek in my gedigte en stories bring, is op die waarheid gebaseer. Alles wat my in die lewe geraak het, bring ek in my gedigte uit. Ek is n Afrikaner en murg en been. Wat jy sien, is wat jy kry. Spontaniteit en vriendelikheid is my lewe. As jy op my tone trap, gaan jy my beslis van hoor. Ek se n ding reguit en draai geen doekies om nie. My gehoorsaamheid word aan God die Eer gegee, want Hy is in beheer van my Lewe.
Maak 'n opvolg-bydrae
Jy moet aangemeld wees om 'n kommentaar te plaas.