Musiek & liriek (silwer)
In ‘n liedjie van verlange
reik my hande uit na jou
maar dis net skimme uit vergange
wat my in melankolie toevou
want die stilte tussen ons
is oorverdowend koud
hier waar harte eens duet het
sonder seer of voorbehoud
in die dryfsand van herinnering
onthou ek nogmaals hoe
die trane op my wange
bittersoet soos liefhê, proe
maar tog, al skaaf jou wegwees
die seerplek in my rou
onthou ek ook nuanses
in die song van ons twee saam
en bêre húl lirieke
in ‘n krapboek met jou naam
©️Elize Kruger
30 Augustus 2023
krapboek – scrapbook
2 Kommentare
-
Anita van der Walt
Pragtige gedig
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, dankie vir jou bydrae vir Augustus 2023 – Musiek projek