Beste INKers
Hierdie maand gaan ons die projek meer uitdagend maak. Dit gee almal ‘n kans om die winterys van die grysstof af te skud. Lees asb. baie noukeurig wat elke opdrag se vereistes en opdrag is.
DIGTERS:
1. Skryf ‘n gedig van 18 lyne.
2.Verduideliking:
3 kwatryne
3 koeplette
VOLTA:
Dit is ‘n retoriese skuif of dramatiese verandering in gedagte of emosie. Ek gaan ‘n gedig plaas en aandui waar die volta gebeur om misverstande te voorkom.
Jy moes gaan, teensinnig,
weg van die spasie
wat ons ingeruim het
vir samesyn
dat jy jouself, uit en weg en af
geskeur het
het die erdewerk
waaruit ek gedink het
my binneste bestaan
gekraak en verpoeier
omdat jy uit my binneste uit
weg en af geskeur is
het musiek gedoof
en die son sy hitte verloor;
tóg speel jou glimlag steeds [Volta]
in elke spieël wat hang
en klink jou woorde
soos koorsang in my geheue.
3. Die tema is: musiek. Dit kan eiesoortig geïnterpreteerd word.
4. Poog om ten minste een neologisme te skep.
MENINGSTUKKE:
1. Skryf ‘n meningstuk oor jou gunsteling musiek.
2. Laat die leser verstaan watter lewensles jy geleer het uit dié spesifieke musiek en /of watter rol dit in jou lewe gespeel het.
3. Geen woordtelling beperking nie.
RUBRIEK:
1. Geen woordtelling beperking nie.
2. Speel musiek ‘n rol in jou gemoedstoestand?
ARTIKEL:
1. Geen beperking op woordtelling nie.
2. Skryf n artikel oor die gebruik van musiek in terapie.
VERHALE:
1. GEEN beperking op woordtelling nie.
2. Skryf ‘n verhaal: Tema: “Die simfoniekonsert”
3. Enige genre.
Uitnemende mense skryf in Afrikaans.
Skryfgroete
Projekbestuurder.
*ONTHOU SLEGS 2 INSKRYWINGS PER AFDELING PER LID ASB. ELKE LID MOET OOK ASB SY STERGRADERING VIR ONS DEURGEE AAN DIE BOKANT VAN SY/HAAR PUBLIKASIE ASOOK DIE WOORDETAL VAN JOU PUBLIKASIE INDIEN DIT NIE N GEDIG IS NIE
