Augustus kantate (Silwer)
melodieë van loeiende winde
noteer diepkyk wysies
oor dik en dun teksture
toonkleure wat ons verstaan
wysies verkrummel in sleutels
met notering van ons sonate
halfnote vervaag op deinsende notebalke
draai-swaaiend in weense walse
romanties tergend
met swaaie van weskus draaie
akkoorde vibreer in jou stemvurk;
in klankkleure breek ons lente aan
kreukeloud was herfs versadig
effe jaloers op ons seisoen
die laaste blaarval teveel
sy totsiens winderig diep
huppelend in harmonie
neurie ons lente se noteleer
© Francois Meyer (Gedagtes)
GEDAGTES
My naam is Francois Meyer, getroud met n pragtige vroutjie, Jessica. Ek is n trotse pa van vier seuns. Die kewe is ryk aan kosbare waarhede wat ons gedagtes daagliks vul. Soms het ons die moed om dit op papier neer te pen sodat ander dit kan lees. Hoop jy geniet die lees soos ek dit ook geniet!
1 Kommentaar
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, dankie vir jou bydrae vir Augustus 2023 – Musiek projek