neiging
outomatiese navolging
van jou neiging op media
dit waarna jy kyk elke dag
selfs net elke enkele keer
.
so verkoop jy jou siel
aan die duister magte
van moderne tegnologie
wat jou belangstellend volg
.
elke hoekie en draaitjie
van jou loer en geniet
elke oomblik van luister
word verwerk in data
.
wat het ek tog voorheen gedoen
waarin het ek voorheen belang gestel
voor alles oopgestel was in liberale tyd
van “alles is geoorloof” – maar nie reg
.
neig ek meer en meer
agter die outomaat se kompas aan
dit wat “dit” aan my voorhou
as dit wat ek “wil” doen
.
is ek nog my eie rigtingwyser
my eie padvinder instinkte nog in plek
het ek ‘n “skaap-ter-slagting-gelei” geword
van die nuwe orde van die outomaat
.
Ó Tearlach.
Maak 'n opvolg-bydrae
Jy moet aangemeld wees om 'n kommentaar te plaas.