106 Die Siciliaanse Septet
106 Die Siciliaanse Septet
Die Siciliaanse septet het dieselfde tyd as die sonnet ontstaan. Dit is ‘n sewe versreël gedig, maar kan ook in stansas van sewe lynige eenhede geskryf word. Die rymskema is abababa met tien lettergrepe per versreël.
Hier is my poging tot die Siciliaanse septet in Afrikaans en Engels:
Daar is iets wonderlik aan eerste lig (Siciliaanse Septet)
Daar is iets wonderlik aan eerste lig,
iets vrolik en vry as dit somer is,
iets groots as voëls roep en ietwat innig
op en af fladder met ‘n soort kennis
en buite is insekte aanwesig,
klein diertjies soos elke blou akkedis
wat almal juig voor God se aangesig.
At the first sign of early morning light (Sicilian Septet)
At the first sign of early morning light
there is something strange and incandescent
that is disposing of the darkest night
and when it is over, suddenly spent,
my very own eyes have got the first sight
of a new day that is from heaven sent
and everything is crystal clear and bright.
Anze
Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...