135 Die kwansaba
135 Die kwansaba
Die kwansaba is ‘n nie rymende versvorm wat bestaan uit sewe lyne met sewe woorde per lyn waarvan elke woord nie langer as sewe lettergrepe mag wees nie tensy dit ‘n selfstandige naamwoord is. Dit is gebaseer op die “kwanzaa” die Afrika-Amerikaanse vakansiedag wat sewe prinsiepe vier.
Regenald Lockett se gedig “KWANSABA FOR QUINCY TROUPE” is ‘n goeie voorbeeld van hierdie tipe gedig.
Hier is my poging tot die kwansaba:
Op ‘n vlakte staan ‘n ou leeu (kwansaba)
Op ‘n vlakte staan ‘n ou leeu,
fynkam die wêreld met oë en neus,
voor dit strek met naels lank gesprei
met donder brul oor klowe wat galm;
bokke laat losbars in ‘n woeste storm,
ander jonger leeus uitdaag om te kom,
sien hoe welpies aan hulle ma suip.
Anze
Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...