46 Die Hillard
46 Die Hillard
Die Hillard het sy ontstaan by Kimberly Hillard. Dit bestaan uit drie kwatryne en ‘n enkele lyn (dus dertien versreëls) met die rym skema:
abab / cdcd / efef / e.
Ronald H. Peat se gedig “The Flower Is Picked/ A Hillard,” is ‘n besonderse goeie vorm van hierdie tipe gedig
Ek het my gedig in 9 lettergreep metrum geskryf aangesien die tipe gedigte oorspronklike so geskryf was:
Toe jy uit my lewe uit gaan (Hillard)
a Vinnig verwelk ‘n geplukte blom
b verdwyn die helder glans, kleur en geur
a as dit uit die grond waar dit groei kom
b as mens dit sny, van eie lewe wegskeur.
c Toe jy op jou eie uit my lewe gaan
d was ons liefde ook stomp afgesny,
c toe die deur ‘n laaste keer toeslaan
d en wat tussen ons was einde kry.
e Die mooi kelke verdor krimp ineen
f terwyl die geur verslaan, slegs dof ruik,
e ek ter vergeefs oor die verval ween,
f te laat agterkom ek is gebruik,
e soos ‘n geplukte blom slegs versteen.
Anze
Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...