Jongste aktiwiteit:

47 Die Nokturne
vir

47 Die Nokturne

47 Die Nokturne

Soos ek reeds voorheen gesê het is daar ‘n nou verband tussen verskeie kuns vorms en is musiek miskien die naaste aan poësie. Gewoonlik is ‘n nokturne, die musikale verklanking van indrukke oor die nag. Dit kan ‘n kort komposisie van ‘n romantiese aard wees, wat in die nag afspeel of ‘n prent skilder van indrukke oor die nag.

In die klassieke tyd was dit in die Italiaanse vorm naamlik “notturno” gebruik vir orkes en kamer musiek werke van ‘n ligte aard, wat gerig was op laat nag uitvoerings. Die Franse woord “nocturne,” was deur die komponis John Field gebruik vir ‘n reeks van agtien klavier stukke wat die eienskap aangeneem het van ‘n soort luim met ‘n sagte melancholie.

Chopin wat bekend was met Field se musiek het die nokturne verder verwerk met ‘n verskeidenheid van emosies en teksture. In musiek was die nokturne ook al gebruik vir ander komposisies wat gevoelens en die atmosfeer van die nag uitdruk soos Mendelssohn se “A Midsummer Night’s Dream” en die “drie nokturnes vir orkes” van Debussy.

In haar digbundel “Die vrou en ander verse” skryf Elisabeth Eybers ‘n nokturne getitel ”nocturne” waar sy die verskillende liggaamsdele van die kind opnoem en dit sluit dus by die aanrakingslied aan, maar die elemente van die nag soos die maanskyn wat op die kind se voorhoof val word ook met gevoel by hierdie gedig ingetrek.

Hier is twee van my gedigte wat ek as nokturnes geskryf het:

Nokturne

Met groenbruin oë wat glimmend soos die sterre buite is
fluister jy aan my hoeveel jy my met tye mis.
.
die silwer wit maanlig plas oor jou gesig waar dit oomblikke hang
glim op jou voorhoof, ken en wang

waar dit ‘n traan druppel vang wat skitter soos ‘n druppel dou
terwyl my hand liefdevol om joune vou

en om ons is die nag vol insek geluide, paddas wat kwaak
en duiwe wat koer geluide maak

maar jy sug as my lippe joune vind,
vir oomblikke is ons in die diepte van passie verblind

en jou borste is warm, sag en rond
terwyl ‘n glimlag skuil in die skadu van jou mond,

jou gestalte is slank en naak
terwyl jy oomblikke vir my ongelooflik maak

kreun in selfgenoegsaamheid
en die donker nag strek vêr en wyd met die komende afskeid

waar oomblikke van maanskyn gevul word met vrees
as ek weg uit jou lewe moet wees.

Nokturne [2]

As die kerslig met lekkende tonge
oranje wikkelend op jou lyf val
terwyl die maan goudgeel
die nag bestraal,

die sterre soos diamante
teen die hemelkoepel skitter
kom die geur van katjiepiering
soet op die aandlug ingesweef

en in hierdie stil oomblikke
waar jou oë geheimsinnig vonkel
weet ek dat ek leef,
is daar passie wat tussen ons
soos onverbloemde elektrisiteit hang.




Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...

Up
Top Ranked Users

[joinup_core_top_members columns=”1″ space=”no” max_members=”3″ behavior=”columns” columns_responsive=”predefined”]

Activity Feed