77 Die Sijo
77 Die Sijo
Die sijo is ‘n klassieke vorm van ongerymde digkuns in Korea. Die Sijo het drie lang versreëls. Elke versreël varieer tussen veertien en sestien lettergrepe per versreël. Die eerste versreël stel ‘n tema, die tweed versreël stel dit tee en die derde versreël los die gedig op / ontbind dit.
Hier is my pogings tot die sijo:
Die speletjies wat ons speel (sijo)
Gedurende ons jeug speel ons speletjies sonder skuld,
deur die gier om hulle te speel was daar ‘n soort blote geluk,
as volwassenes is die lewe sonder absolusie.
Om somer te rek (sijo)
Daar moet ‘n manier wees om die somer meer uit te rek,
dit langer te trek soos die skaduwees van die bome
dat die kort tydjie met my liefling lewenslank kan draal.
Skemerte (sijo)
Helder warm skyn die son neer op party lieflike somer dae
as die goue maan romanties glimlag gedurende lang nagte,
waar is ons met sonop en onder, as skemer die twee verdeel?
Anze
Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...